London meri qala ortalyǵynda Margaret Tetcherge eskertkish ornatýdy usyndy
ASTANA. 11 sáýir. QazAqparat - Ulybrıtanııa astanasynyń meri Borıs Djonson ótken dúısenbide 87 jasynda dúnıeden ozǵan burynǵy premer-mınıstr Margaret Tetcherge qala ortalyǵynda eskertkish ornatýǵa nıettenip otyr.
Osyǵan oraı qala basshysy ári Margaret Tetcherdiń partııalasy laıyqty oryn qarastyrýdy tapsyrdy. Bul týraly brıtandyq BAQ-tar habarlady.
Merdiń pikirinshe, baronessa Tetcher qalanyń orta tusynda eskertkish ornatýǵa laıyqty eńbek sińirdi.
Margaret Tetcherdiń músini 2007 jyly Ulybrıtanııalyq parlamenttiń májilisi ótetin - Vestmınster saraıynda qoıyldy.
