London meri ıslam jaıly «ańyzdardy» seıiltý úshin oraza ustap júr
ASTANA. QazAqparat - «Guardian» gazetindegi avtorlyq baǵanynda London meri Sadyq Han oǵan oraza ýaqytynda taǵamnan emes, kofeden bas tartý qıyn ekenin aıtty, dep jazady Bı-Bı-Sı agenttigi.
«Ádette kóbine kofeın jetispeıdi. Іsh pystyratyn kezdesýlarge kóp baratynmyn (bıyl emes, árıne, sebebi men qazir álemdegi eń tamasha laýazym ıesimin! - S.Han.) maǵan jumysymdy jalǵastyrý úshin kofeın qajet. Bıyl orazaǵa daıyndyq retinde, kofe ishýdi azaıtýǵa tyrystym. Taǵam ishpeý qıyndyq týdyrmaıdy, oǵan úırenip ketesiń», - dep jazdy Han.
Qala basshysy tyǵyz kestege qaramastan bir aı boıy oraza ustamaq.
London meri dástúrli ıslam dininde bolyp, batystyq lıberaldyq kózqarasty ustanýǵa bolatynyn kórsetpek.
«Meni musylman saıasatker retinde qabyldaǵanyn qalamaımyn. Men musylman kóshbasshy jáne onyń resmı ókili emespin. Adamdy dinine qaraı baǵalaý qajet emestigine mysal bolsa deımin. Ár adamnyń áleýmettik rólderi bar: mysaly men London turǵynymyn. Balamyn, ákemin, merııa - ýaǵyzben aınalysatyn oryn emes», - dep atap ótti ol.
Sonymen qatar, ol Ramazan - «bul musylman qoǵamy úshin ıgilik jasaýǵa jáne ıslam jaıly alyp-qashpa áńgimelerdi seıiltýge tamasha múmkindik» ekenin atap ótti.
