London meri Ulybrıtanııa premer-mınıstrinen kóp jalaqy alady

ASTANA. KAZINFORM – Ulybrıtanııa astanasynyń meri Sadık Hannyń jalaqysy 5281 fýnt sterlıngke (shamamen 3,8 mln teńge) artty.  Osylaısha onyń jyldyq tabysy 165 001 fýnt sterlıngten 170 282 fýnt sterlıngke deıin ósti, dep habarlaıdy The Standart.

Jańa jalaqy Úlken London ákimshiliginiń saıtynda merdiń resmı ómirbaıany jáne laýazymdyq mindetteriniń sıpattamasynda jarııalanǵan.

Osylaısha, onyń London meri retindegi tabysy Ulybrıtanııa premer-mınıstriniń qazirgi jalaqysynan 1000 fýnt sterlıngke artyq.

Mer jalaqysynyń 3,2%-ǵa artýy jergilikti memlekettik organdardaǵy eńbekaqy deńgeıin qaıta qaraýmen baılanysty, bul tetik el boıynsha barlyq mýnıtsıpaldyq qyzmetkerge qatysty. Bul sheshim táýelsiz komıssııanyń usynysy boıynsha qabyldandy.

- Ótken jyly ótkizilgen táýelsiz qaıta qaraýdan keıin London merııasynda mer jáne London assambleıasy músheleriniń búkil ókilettik merzimine jyl saıynǵy jalaqysynyń ósýin anyqtaıtyn biryńǵaı júıe bar, - dep atap ótti merdiń baspasóz hatshysy.

Buǵan deıin Qyrǵyzstandaǵy ortasha jalaqy mólsheri anyqtalǵanyn jazǵan bolatynbyz.