London marafonynda kenııalyq jelaıaqtar aldaryna jan saldyrmady
ASTANA. QazAqparat - Kenııalyq sportshy Ýılson Kıpsang taǵy da London marafonynda jeńiske jetti. Álemdik rekordtyń ıegeri 42 shaqyrymdyq qashyqtyqty 2 saǵat 4 mınýt 29 sekýnd ishinde júgirip ótti.
Onyń otandasy Stenlı Bıvott ekinshi orynnan kórinse, al Efıopııadan kelgen Tsegaıe Kebede máreni úshinshi bolyp kesip ótti. Áıelder arasyndaǵy jarystarda da dál osyndaı kórsetkishter. Kenııalyq Edna jáne Florens Kıplagat esimdi qos sportshylar birinshi men ekinshi oryndy ıelense, úshinshi tuǵyrdan efıopııalyq Tırýnesh Dıbaba kórindi. Sonymen qatar bul jarysqa Kennııa prezıdentiniń zaıyby Margaret Kenııatta da qatysty. Ol jınaǵan qarjynyń barlyǵy balalar ólimimen kúreske negizdelgen qaıyrymdylyq uıymyna baǵyttalmaq. Jalpy London marafonyna 36 myń adam qatysty, dep jazady VVS .
