London mańynan kólemi 100 mlrd barrelge deıin jetetin munaı qory tabyldy
UKOG seriktesi geofızıkalyq saraptama jasaıtyn amerıkalyq Nutech kompanııasy londondyq Getvık áýejaıynyń mańyndaǵy Horse Hill-1 ýchaskesindegi munaıdyń geologııalyq qoryn sharshy mıline shaqqanda 158 mln barrelden (sharshy km 61 mln barr.) keledi dep baǵalady, dep habarlady RBK. «Osyǵan qaraǵanda, bul aýdanda 50-den 100 mlrd barrelge deıin munaı qory bar der boljap otyrmyz», - dedi Bı-bı-sı-ge UKOG bas dırektory Stıven Senderson. Bul sońǵy 30 jyldaǵy Ulybrıtanııa qurylyǵyndaǵy iri munaı keniniń anyqtalýy deýge bolady. Horse Hill keni geologııalyq jaǵynan AQSh-taǵy Bakken jáne Batys Sibirdegi Bajenovsk qatparly tasty kollektorlarmen uqsas, delingen UKOG baspasóz habarlamasynda. Amerıkalyq balamalarymen salystyrǵanda, munaı óndirý koeffıtsıenti 3%-ten 15%-ǵa deıin quraýy múmkin. «Mundaı jaǵdaıda 2030 jylǵa qaraı Ulybrıtanııa munaıǵa degen suranysynyń 10-30% óndire alady», - dedi Senderson.
