London kóshesine aspannan jansyz dene qulap tústi
ASTANA. 13 qyrkúıek. QazAqparat - Londondaǵy "Hıtroý" halyqaralyq áýejaıynan shamamen 15 shaqyrym jerde ornalasqan Mortleık aýdany aýmaǵyna aspannan er adamnyń jansyz denesi tústi,
dep jazady The Daily Mail .
Aldyn ala boljam boıynsha, qaza tapqan Soltústik Afrıkanyń 30 jastaǵy týmasy Brıtanııanyń kóshi-qon baqylaýyn aınalyp ótýdi oılap, «Hıtroý» áýejaıyna qonatyn ushaqtardyń biriniń shassıindegi qýysqa kirip ketken.
Sarapshylardyń aıtýynsha, er adam qular aldynda óli bolǵan: ony ushý kezindegi ushaq shassıiniń jınalýynan nemese áýe kemesiniń bıiktikte ushqandaǵy asa tómen temperatýra áserinen kóz jumǵan. Ushaq qoný úshin tómendeı bastaǵanda adamnyń óli denesi birneshe myń metr bıiktikten kóshege qulap tústi.
