London qor bırjasyna shyǵatyn Zhaikmunai óz ataýyn ózgertýdi josparlap otyr
ASTANA. 12 qarasha. QazAqparat - Aktsııalary London qor bırjasynyń (LSE) tizimine enip qalý yqtımaldyǵyna baılanysty Zhaikmunai qarashanyń sońyna deıin óz ataýyn ózgertýdi josparlap otyr, dep habarlaıdy Halyqtyq IPO baǵdarlamasynyń resmı saıty.
Financial Times (FT) habarynsha, 29 qarashadan Amsterdamda kompanııa aktsıonerleriniń kezekten tys jalpy jınalysy ótedi, onda Zhaikmunai ataýyn Nostrum Oil&Gas dep ózgertý týraly másele qarastyrylady.
«Kompanııa óz aktsıonerleri úshin lıkvıdtigin arttyrýdyń túrli joldaryn qarastyrýda, onyń ishinde aktsııalaryn London qor bırjasynyń nemese basqa da halyqaralyq qor bırjalarynyń tizimine engizý bar», - delingen Zhaikmunai málimdemesinde.
London qor bırjasynda 2008 jyldan bastap Zhaikmunai aktsııalaryna arnalǵan jahandyq depozıtarlyq qolhattar (GDR) saýdalanýda, baǵaly qaǵazdardyń 32%-y erkin aınalymda. Osy jyldyń basynan beri Zhaikmunai GDR-iniń baǵasy 19,63%-ǵa ósip, 11 qarasha, dúısenbidegi sýda qorytyndysy boıynsha, 12,8 dollar boldy.
Financial Times dereginshe, Zhaikmunai Men aralyndaǵy offshorlyq aýmaqta tirkelgen. Kompanııanyń bas aktsıoneri - belgııalyq bıznesmen Frenk Monstreı. Ol kompanııanyń Dırektorlar keńesin de basqarady.
Qazaqstan qor bırjasynyń (KASE) dereginshe, aǵymdaǵy jyldyń ekinshi jarty jyldyǵynyń qorytyndysy boıynsha Zhaikmunai 115,7 mln. dollar taza paıda tapty, al saýda-sattyǵynyń kólemi shamamen 442,499 mln. dollar bolǵan. Aktıvteriniń rentabeldigi - 6,89% (ROA).
KASE-te Zhaikmunai aktsııalary lıstıngtelmegen, kompanııa eki ret eýrooblıgatsııalar shyǵarǵan.
Zhaikmunai Chınarevskoe, Rostoshınskoe, Darınskoe jáne Ońtústik-Gremıachınskoe ken oryndarynda munaı óndiredi. Bular Oraldan soltústik-shyǵysqa qaraı ornalasqan. Kompanııanyń negizgi óndiristik qýaty Chınarevskoe ken ornynda: 2012 jyldyń qorytyndysy boıynsha kenishtegi kómirsýtekterdiń dáleldengen qory munaı ekvıvalentinde (bne) 194,8 mln. barrelge baǵalanǵan, al munaı qorynyń yqtımal kólemi - 311,3 mln bne.
