London qalasynyń ortalyǵynda áıel men balaǵa shabýyl jasaldy

LONDON. KAZINFORM – Ulybrıtanııa astanasynyń ortalyǵyndaǵy Lester alańynda bolǵan shabýyl kezinde 11 jastaǵy qyz ben 34 jastaǵy áıel pyshaq jaraqatyn aldy. Bul týraly VVS habarlady. 

– Shabýyldaýshy oqıǵa ornynda ustalyp, qamaýǵa alyndy, - dep habarlady London polıtsııasy X áleýmettik jelisindegi málimdemede.

Ázirge onyń jeke basyna qatysty aqparat joq.

Polıtsııa bul oqıǵaǵa qatysty basqa belgisiz kúdiktiler joq dep eseptep otyr.

Jedel járdem qyzmetkerleri eki zardap shegýshiniń travmatologııa ortalyǵyna jetkizilgenin aıtty. Ázirge olardyń jaǵdaıy týraly aqparat joq.

Oqıǵa kýágerleriniń aıtýynsha, shabýyldaýshyny ótip bara jatqan adamdar men jaqyn mańdaǵy dúkenderdiń qyzmetkerleri toqtatqan.

Aıta keteıik, Lester alańy Soho aýdanynyń qaq ortasynda ornalasqan.