London Eýroodaqtan shyǵatynyn resmı rastady
ASTANA. QazAqparat - Ulybrıtanııa premer-mınıstri Tereza Meı Koroldiktiń Eýroodaq quramynan shyǵatynyn Eýrokeńes basshylyǵyna resmı rastady.
Brıtanııanyń Eýroodaqtaǵy turaqty ókili Tım Barroý Eýrokeńes tóraǵasy Donald Týskke osyny aıqyndaıtyn hat tapsyrdy. Іle shala Donald Týsk tilshilerge bul kúndi resmı London úshin de Brıýssel úshin de baqytty sát dep sanamaıtynyn aıtty.
Lıssabon kelisiminiń 50-shi baby boıynsha bólinetinin resmı jarııalaǵan Ulybrıtanııa týra eki jylda, ıaǵnı 2019 jyldyń 29 naýryzynda Eýroodaq quramynan shyǵýy tıis, dep jazady «Habar 24».
«Ulybrıtanııanyń Eýroodaqtan shyǵatyny týraly resmı ótinish tústi. Endi Lıssabon kelisiminiń 50-shi baby boıynsha Koroldik basshylyǵymen kelissózder bastalady. Bul qýanarlyq jaǵdaı emes. Biraq Breksıttiń jaqsy jaqtary da bar. Osy arqyly Odaqtaǵy 27 memlekettiń birligi burynǵysynan da bekı túsedi. Endigi maqsat azamattarymyz ben kásipkerlerimizdi shyǵynǵa batyrmaı, tıimdi baılam jasaý», - deıdi Eýrokeńes tóraǵasy Donald Týsk.
