London Eýroodaqqa Brexit úshin 40 mlrd eýro tóleıdi
ASTANA. QazAqparat - Brıtandyq úkimette joǵary laýazymdy sheneýnikter odaqtan shyǵýyna baılanysty ózderiniń qarjy mindettemelerin jabýy úshin Eýroodaqqa 40 mıllıard eýro tóleıdi, dep habarlady The Telegraph gazeti. Basylym mundaı sheshim Londonda kelispeýshilik týdyrýy múmkin dep qaýiptenýde.
Gazet derekkóziniń aıtýynsha, usynylǵan soma - Brıýsselmen daýdy sheshýge múmkindik beretin jalǵyz nusqa. «Kelissóz úderisine deıin bolǵandar qazir jumys istemeıdi. Olardyń ustanymy - 60 mıllıard eýro ekenin bilemiz. Shyndyǵynda tómengi shek - 50 mıllıard deńgeıinde. Bizde 30-ǵa jaqyn. Alaıda qolaıly soma 40 mıllıard eýroǵa teń», - dep atap ótti ol.
The Telegraph derekterine sáıkes, Brıtanııa eger Brıýssel «aıyppuldy» aldaǵy, atap aıtqanda saýda qatynastary týraly kelisimniń bóligi dep tanyǵan jaǵdaıda ǵana belgilengen somany tóleýge kelisedi.
Brıýssel, eske salsaq, EO-dan shyǵar aldynda Ulybrıtanııanyń tólem talaptaryn 50-den 100 mlrd eýroǵa deıin baǵalady.
EO-dan shyǵý týraly referendým Ulybrıtanııada ótken jyly jazda ótti. Koroldiktiń 51,9% turǵyny eldiń odaqtan shyǵýyna, 48,1% oǵan qarsy daýys berdi. Osydan keıin Brıtanııa premeri ornyna Tereza Meı keldi. 2017 jylǵy naýryzda ol «brekzıtti» iske qosatynyn habarlady.
