London erler úshin eń jaıly qala bolyp tanyldy
ASTANA. 11 maýsym. QazAqparat - AskMen jýrnaly 2012 jyly erler úshin eń jaıly qalalardyń reıtıngisin jasady.
Bul týraly Newsru.com saıty jazady.
Álemniń eń ádemi 29 qalasynyń arasynda birinshi orynǵa London ornalasty. Bıylǵy jyly Birikken Koroldiktiń astanasy sporttyń álemdik ortalyǵy bolyp tabylady, onda 2012 jylǵy Jazǵy Olımpıada oıyndary ótedi. Reıtıngtiń ekinshi qataryna «oqıǵalar qalasy» Mýmbaı ornalasty. Rıo-de-Janeıro - úshinshide, bul qala taıaý ýaqytta týrıster kóp shoǵyrlanatyn jerge aınalady. Sebebi onda fýtboldan 2014 jylǵy álem chempıonatyn jáne 2016 jylǵy Olımpıadany ótkizý josparlanyp otyr. Tórtinshi oryn alǵan Vashıngton saıasat qyzyqtyratyn erler úshin tartymdy. Al besinshi orynǵa jaıǵasqan Shanhaı kúndiz-túni kóterińki kóńil-kúıdi ýáde etýde.
Sondaı-aq tizimge til úıirer as mázirlerimen Ho Shı Mın (Vetnam) men jaǵajaılary men fýtboly úshin Barselona qalalary endi. Al ıspandyq Kartahena qalasy «armandaýǵa bolatyn jaǵajaı keshterimen» erekshelenedi dep atap ótilýde. Vankýver balyq aýlaýdy, snoýbordıng pen kokteılderdi unatatyndarǵa qyzyqty. Kopengagende álemdegi eń jaqsy meıramhanalar ornalasqan jáne onda «qyzý qandy» qyzdar turady. Al Býenos-Aıres eshqashan uıyqtamaıtyn qala retinde belgilendi.
