«London-Almaty» saqtandyrý kompanııasy aktsıonerlerdiń aýysqany týraly habarlady
ASTANA. QazAqparat - 31 shilde kúni «Dostyk Leasing» jaýapkershiligi shekteýli kompanııasynyń «London-Almaty» saqtandyrý kompanııasy» AQ aktsııalarynyń 100 paıyzyn satyp alý boıynsha kelisimi aıaqtaldy.
BTA Bankiniń «London-Almaty SK» enshiles uıymy» endi «Qazkommertsbank» AQ-nyń enshiles kompanııasy bolyp tabylmaıdy, dep habarlady kompanııanyń baspasóz qyzmetinen.
Buǵan deıin, 17 maýsymda QR Ulttyq banki №103 qaýlysymen «Dostyk Leasing» JShS-ne Uıymnyń saqtandyrý holdınginiń dárejesin satyp alýǵa kelisimin berdi.
Dırektorlar keńesiniń jańa tóraǵasy bolyp Erik Balapanov saılandy.
«London-Almaty» SK basqarmasynyń tóraıymy Djanna Ahmetjanova kompanııanyń aldaǵy josparlarymen qysqa bólisip ótti.
«Jańa aktsıonerdiń kelýi kompanııanyń damýynda jańa aınalymǵa ótip, sol arqyly bizdiń qazaqstandyq naryq úshin qajetti saqtandyrý ónimderiniń keń spektri bar ámbebap qarjy mekemesi retindegi pozıtsııalarymyzdy nyǵaıtýǵa múmkindik beredi. Jalpy alǵanda, biz qazirgi bıznes-protsesterdiń maksımaldy sabaqtastyǵyn qamtamasyz etip, Uıymnyń barlyq qazirgi jáne bolashaq seriktesterimen yntymaqtastyqty saqtap, keńeıtýdi josparlaýdamyz. Sondaı-aq biz kompanııanyń naryqtyq baǵasyn ósirýge jáne naryqtyń úlken úlesi men aktıvterdi ósirý arqyly tabysty barynsha kóbeıtýdi, klıentter men iskerlik seriktester aldynda óz mindetterin oryndaıtyn senimdi ári bedeldi saqtandyrýshy ataǵy bar kompanııa ımıdjin saqtap, damytýdy kózdep otyrmyz»,- dedi ol.
«London-Almaty» saqtandyrý kompanııasy 1997 jyly qurylǵan. Búginde uıymnyń Qazaqstannyń 14 iri aımaǵynda, sonyń ishinde Almaty jáne Astanada óz núkteleri bar.
