LONDON-2012: Olga Dovgýn Olımpıada júldesinen yǵysyp qaldy
ASTANA. 4 tamyz. QazAqparat - 50 metrlik qashyqtyqtan 3 qalypta az kalıbrli vıntovkadan atý synynda ardager mergen Olga Dovgýn biliktilik kezeńinen ótpeı qaldy.
Osylaısha, quralaıdy kózge atqan Olga Dovgýn Olımpıada júldesi úshin talasa almaıtyn boldy.
Jalpy sport sheneýnikteri 2002, 2006 jylǵy Álem jáne Azııa chempıonynan «altyn» medal kútken bolatyn. Alaıda 578 upaı jınaǵan sportshymyz 24-orynǵa ǵana qol jetkizip, irikteýden súrindi. Aıta keteıik, bul - jerlesimizdiń 4-shi olımpıadasy.
