Lombardtar aldyndaǵy qaryz endi sottan tys bankrottyqqa kedergi bolmaıdy
ASTANA. KAZINFORM — Lombardtar aldyndaǵy mindettemeler endi sottan tys bankrottyq rásimin qoldanýǵa kedergi emes, dep habarlaıdy Memlekettik kirister komıtetiniń baspasóz qyzmeti.
2026 jylǵy 19 naýryzdan bastap lombardtar aldyndaǵy mindettemeler sottan tys bankrottyq rásimi sheńberinde qarastyrylmaıdy.
Atalǵan ózgeris osy rásimdi qoldaný múmkindikterin keńeıtýge múmkindik beredi.
— «Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy týraly» Zańnyń erejelerine sáıkes, sottan tys bankrottyq rásimin qoldaný úshin bankter, kollektorlyq agenttikter jáne mıkroqarjy uıymdary aldyndaǵy bereshekter boıynsha 12 aı boıy tólemniń bolmaýy talap etiledi. Óz kezeginde, lombardtardyń qyzmet ereksheligi (mıkroqarjy uıymdarynyń bir túri) qaryzdardyń tolyqtaı kepilmen qamtamasyz etilýinde. ıAǵnı, qaryz alýshy óz mindettemelerin oryndamaǵan jaǵdaıda, lombardtar kepil múlkin óz betinshe iske asyrady. Osyǵan baılanysty, lombardtar aldyndaǵy mindettemeler boıynsha tólemniń bolmaý merzimi 12 aıdan aspaıdy. Osyǵan oraı, lombardpen qoldanystaǵy sharty bar boryshkerlerge sottan tys bankrottyq rásimin qoldanýdan jıi bas tartylatyn. Engizilgen túzetýler lombardtar aldyndaǵy mindettemeler boıynsha tólemniń bolmaý merzimin esepke almaýǵa múmkindik beredi, osylaısha azamattardyń kóbirek sanyna sottan tys bankrottyq rásimin qoldaný arqyly óz qarjylyq máselelerin sheshýge jaǵdaı jasaıdy, — delingen habarlamada.
Budan buryn ózine ádeıi bankrottyq jarııalaǵandar qandaı jaýapkershilikke tartylatynyn jazǵan bolatynbyz.
