Lombard tonaýshysy astanalyqtar demalysynyń shyrqyn buzdy - kýáger (FOTO)
ASTANA. QazAqparat - Tonaýshy túsken lombard mańynda turatyn Astana turǵyndarynyń biri ondaǵy jaǵdaıdy aıtyp berdi. Bul týraly QazAqparat tilshisi oqıǵa ornynan habarlady.
«Aýdandy qorshap tastady, eshkimdi eshqaıda jibermeıdi. Polıtsııa jumys istep jatyr. Bizge óte qıyn boldy, eshqaıda shyǵa almadyq, qansha josparymyz bar edi. Oıanǵanda búkil aýdandy qorshap tastapty, kórshilerime habarlasqanda, lombardty tonap jatyr dedi. Osylaı úıde otyrmyz. Jaǵdaıdy terezden baqylap otyrmyz», - dedi ol.
Aıta keteıik, búgin Kenesary kóshesinde «Spýtnık» dúkeni aýdanynda ornalasqan M-Lombardty tonaýǵa áreket jasaldy. Іshke basyp kirý kezinde dabyl tetigi iske qosylyp, esik avtomatty túrde qulyptalyp, ishte kúdikti jáne eki lombard qyzmetkerleri qamalyp qaldy.
Kelissózderden keıin tonaýshy bir qyzmetkerdi bosatty.
Sondaı-aq baspasóz qyzmeti bul lańkestikpen baılanysty emes, qatardaǵy tonaý oqıǵasy ekenin atap ótti. 
