Lomachenko men Ýolterstiń jekpe-jek keshinde taǵy bir qazaq boksshysy sharshy alańǵa shyǵady
ASTANA. QazAqparat - Lomachenko men Ýolterstiń jekpe-jek keshinde taǵy bir qazaq boksshysy sharshy alańǵa shyǵady, dep habarlaıdy QazAqparat tilshisi.
Lomachenko men Ýolters jekpe-jegin «Habar» telearnasy 27 qarasha kúni Astana ýaqyty boıynsha tańǵy saǵat 09:00-de tikeleı efırinde kórsetetin bolady.
Qos boksshy ekinshi jartylaı jeńil salmaqta WBO nusqasy boıynsha álem chempıonynyń tıtýly úshin judyryqtasatyn bolady. Búkil álem kóz tikken aıqas AQSh Nevada shtatynyń Las-Vegas qalasyndaǵy «The Cosmopolitan» qonaqúıinde ótedi.
Vasılıı Lomachenko - 28 jasta, ýkraınalyq kásipqoı boksshy. Ol eki dúrkin Olımpıada chempıony, eki dúrkin álem chempıony. 2013 jyly The Ring boks jýrnaly ony bolashaǵynan úmit kúttiretin boksshy dep tanydy. Laqap aty - Hi-tech.
Nıkolas Ýolters - 30 jasta. ıAmaıkanyń kásipqoı boksshysy. WBA super, WBA nusqasy boıynsha álem chempıony. Laqap aty - Axe Man (aǵylshyn tilinen aýdarǵanda «Otynshy»).
Al osy boks keshinde qazaq jigitiniń ónerin tamashalaıtyn bolamyz. Ol - Ashat Ýálıhanov. Qandasymyz meksıkalyq Danıel Bastıenmen judyryqtasady dep josparlanǵan.
Esterińizde bolsa, 19 qarashada kásipqoı bokstan jartylaı aýyr salmaqta WBA (super ), IBF jáne WBO nusqalary boıynsha álem chempıony ataǵy úshin Sergeı Kovalev pen Andre Ýord arasynda jekpe-jek keshi ótken kúni Meıirim Nursultanov kásipqoı bokstaǵy alǵashqy jeńisine qol jetkizgen bolatyn.
