«Lokomotıv qurastyrý zaýyty» AQ-da 2014 jylǵa qaraı qazaqstandyq qamtý 70 paıyzǵa deıin jetedi- M. Tileýbaev

ANA. 14 shilde. QazAqparat /Qanat Mámetqazyuly/ - «Qazaqstan temir joly» UK enshiles kásiporny bolyp tabylatyn «Lokomotıv qurastyrý zaýyty» AQ-da 2014 jylǵa qaraı qazaqstandyq qamtý 70 paıyzǵa deıin jetitin bolady.

Bul týraly búgin Astanadaǵy Lokomotıv qurastyrý zaýytynda ótken brıfıng barysynda «LQZ» AQ prezıdenti Marat Tileýbaev málim etti.

«Jyl basynda «Evolution» serııasyndaǵy teplovozdardy qurastyrýdaǵy qazaqstandyq úles 18 paıyzdy quraǵan edi. Qazirgi kúni bul otandyq qamtý 23 paıyzdan asady. Al jyl sońyna deıin osy úlesti 50 paıyzǵa arttyrýdy, al 2014 jylǵa qaraı zaýyttaǵy qazaqstandyq úlesti 70 paıyzǵa deıin kóterýdi josparlap otyrmyz», - dedi zaýyt basshysy. Onyń aıtýynsha, otandyq ónimge qajetti bólshekterdiń qamtylýyna qaraı qazaqstandyq úles 50 paıyzdan da asatyn bolady.