«Lokomotıv» HK bapkeriniń zaıyby kúıeýiniń qaza bolǵanyn estip, jol apatyna ushyrady
ASTANA. 8 qyrkúıek. QazAqparat - ıAroslavl túbindegi áýe apatynda qaıtys bolǵan «Lokomotıvtiń» 41 jasar bapkeri Aleksandr Karpovtsevtiń zaıyby Dıana Karpovtseva kúıeýiniń qazasy jaıynda estip, Túrkııadan shuǵyl túrde qaıtyp keldi,
dep habarlaıdy Life News.
Dıana balasymen birge Túrkııada demalǵan bolatyn. Áýejaıda oǵan kúıeýi Aleksandr Karpovtsev «ıAk-42» áýe kóliginde apatqa ushyrap, qaza bolǵandyǵy habarlandy.
Portaldyń derek kózge silteme jasap habarlaýynsha, máıitti tanýǵa bara jatqan kezde jubaıynyń ózi jol-kólik apatyna ushyraǵan.
«Dıanany balasymen Máskeýde bizdiń hokkeı klýbymyzdyń ujymdyq shaǵyn avtobýsy kútip alǵan bolatyn. Kele jatqan jolda olar qarsy baǵyttaǵy avtokólikpen betpe-bet soqtyǵysqan. Nátıjesinde Dıana Karpovtseva jaraqat aldy. Dárigerler alǵashqy medıtsınalyq kómek kórsetip, ıaroslavldik perınataldyq ortalyqqa jatqyzý jóninde sheshim qabyldaǵan», - dep habarlady ıAroslavl oblysy ákimshiligindegi derek kózi.
Betpe-bet soqtyǵysý kezinde shaǵyn avtobýstyń terezesi synyp, úgitilgen shyny Karpovtsevanyń kózine tıgen. Dárigerler alǵashqy kómek kórsetip úlgerdi.
ıAroslavlge Dıanany jattyqtyrýshynyń baýyry jeke kóligimen ózi jetkizdi. Qazir áıel medıtsına qyzmetkerleriniń jiti qadaǵalaýynda. Onyń ómiri men densaýlyǵyna tóngen esh qaýip joq.
