«Lokomotıv» fýtbol klýbynyń jasóspirimderi Chehııada «Gradets Kralove» klýbyndaǵy qurdastarynan 2:1 esebimen basym tústi
ALMATY. Qazannyń 8-i. QazAqparat /Erlik Erjanuly/ - Chehııada oqý-jattyǵý jıynyn ótkizip jatqan Astana qalasynyń «Lokomotıv» klýbynyń 1994-1995-shi jyldary týǵan jasóspirim fýtbolshylary úshinshi machtyn ótkizdi.
Bul joly olardyń qarsylasy Gradets Kralove qalasynyń jergilikti komandasy boldy. Bul kezdesý Chehııanyń joǵary dıvızıony men Eýropalyq klýbtyq týrnırler ótip júrgen qalanyń ortalyq stadıonynda ótti. Halyqaralyq deńgeıdegi oıyn alańynda alǵash ret óner kórsetip otyrǵanyna qaramastan astanalyqtar alań qojaıyndarynan 2:1 esebimen basym tústi. Qarsylastar qaqpasyna soǵylǵan qos doptyń avtorlary - Ádil Baǵabaev pen Rınat Haırýllın.
