Lokomotıv brıgadalarynyń qyraǵylyǵy arqasynda 718 qaıǵyly oqıǵanyń aldy alyndy - QTJ

ASTANA. 18 mamyr. QazAqparat - 2011 jyly jyljymaly qurammen bolǵan jol-kólik apattarynda 76 adam zardap shekti, dep habarlaıdy «Qazaqstan temir joly» AQ-nyń baspasóz qyzmeti.

2012 jylǵy qańtar men naýryz aılarynda Almaty jáne Aqtóbe oblystarynda tórt oqıǵa oryn alsa, Qyzylorda oblysynda úsh oqıǵa tirkeldi.

Lokomotıv brıgadalary kóptegen qaıǵyly oqıǵalardyń aldyn aldy. 2011 jyly poıyz mashınısteri jedel tejegishterdi basyp úlgerýiniń arqasynda Shymkent jol bólimshesinde 102 oqıǵa, Semeı jol bólimshesinde -244, Almatyda -163, Aqtóbede -127, Qyzylordada -82 jaǵdaıdyń aldy alyndy. ıAǵnı barlyǵy 718 ret lokomotıv brıgadalary qyraǵylyǵynyń arqasynda adam taǵdyryna arasha boldy.

«Qazaqstan temir joly» Ulttyq kompanııasy jergilikti basqarý oryndarymen birlese otyryp, jol-kólik oqıǵasynyń aldyn alýdyń keshendi sharalaryn jyldan jylǵa júzege asyryp keledi.

Atalmysh sharanyń sheńberinde temir jol men júrginshiler ótkeli qıylysatyn tustarǵa 506 belgi ornatylsa, 926 belgi qaıta jańǵyrtyldy. Atyraý, Jambyl, Shý, Aqadyr stansalaryndaǵy júrginshiler kópirine jóndeý jumystary jasaldy.

2011 jylǵy mamyr men maýsym aılarynda 956 jol ótkeli tekserilip, eki myńnan astam aqaýlyqtar qalpyna keltirildi.