«Lokomotıv» aktsıonerlik qoǵamynyń basshylyǵy aýysty
ASTANA. 22 jeltoqsan. QazAqparat /Gúlmıra Álıakparova/ - Búgin «Qazaqstan temir joly» UK» AQ-nyń qamtamasyz etý jónindegi vıtse-prezıdenti Erik Sultanov, «Lokomotıv» AQ ortalyq apparatynyń ujymyna kompanııa prezıdentiniń mindetin atqarýshy qyzmetine jańadan taǵaıyndalǵan Marat Joldybaıuly Medeýbaevty tanystyrdy.
M.Medeýbaev bul qyzmetke keshe «QTJ» UK» AQ-nyń prezıdenti Asqar Mamınniń buıryǵyna sáıkes taǵaıyndaldy.
«M.Joldybaıuly «Lokomotıv» kompanııasynyń qalyptasýynyń basy-qasynda boldy. Onyń temir jol salasynda úlken tájirıbesi bar. Sondyqtan aktsıonerlik qoǵamdy jetistikti basqaryp, onyń tasyn órge súıreıdi degen senimdemin», - dedi E.Sultanov.
Aıta keteıik, M.Medeýbaev osy ýaqytqa deıin «QTJ» UK» AQ-nyń Jyljymaly quram boıynsha basqarýshy dırektory qyzmetin atqaryp keldi.
«Lokomotıv» AQ buryn basqarǵan Qadyl Sekenuly Talaspekov «Qazaqstan temir joly» kompanııasynyń Qozǵalys qaýipsizdigi jónindegi basqarýshy dırektorynyń mindetin atqarýshy bolyp taǵaıyndaldy.
