«Lokomotıv» AQ respýblıka depolaryna qatań tekseris júrgizdi
ASTANA. Qazannyń 26-sy. QazAqparat /Gúlmıra Álıakparova/ - «Lokomotıv» AQ bolat joldardaǵy qozǵalys qaýipsizdigi men eńbekti qorǵaý talaptarynyń oryndalýyna qatysty respýblıkadaǵy barlyq lokomotıv depolaryna bir aı boıy tekserister júrgizip, kináli adamdardy jaýapkershilikke tartty,
dep habarlaıdy QazAqparat kompanııanyń baspasóz qyzmetine silteme jasap.
«Qazaqstan temir joly» UK» AQ-ǵa enshiles «Lokomotıv» AQ búgin, ústimizdegi jylǵy qyrkúıektiń 1-i men qazannyń 1-i kúnderi aralyǵynda Qazaqstannyń lokomotıv depolarynda qozǵalys qaýipsizdigi men eńbekti qorǵaý talaptarynyń oryndalýyna qatysty júrgizilgen tekseristiń nátıjesin shyǵardy.
Depo basshylyǵy men nusqaýshy-komandalyq top, lokomotıv brıgadalarymen qyzmettik mindettemelerdiń oryndalýyna baılanysty 1,6 myńnan astam tekseris júrgizip, nátıjesinde 3,4 myńnan astam eskertpe jasady. Kináli jumyskerler tártiptik jaýapkershilikke tartyldy.
Tekserýshiler sondaı-aq mashınıst pen onyń qyzmetteri arasyndaǵy baılanystardyń júrgizilý tártibiniń saqtalýyna jiti nazar aýdardy. 1 myń 800-den astam olardyń aralaryndaǵy baılanysty tyńdaý júzege asyrylyp, 504 qatelik anyqtaldy. 300-den astam jumysshy tártiptik jaýapkershilikke tartyldy. Qaýipsizdik quraldardyń talaptarǵa saı bolýyn tekserý boıynsha 1 myń 400-den astam lokomotıv qaraldy. Anyqtalǵan 460 eskertý sol mezette joıyldy.
Aılyq nátıjesinde, temir joldardaǵy qaýipsizdikti qamtamasyz etýge qatysty barlyǵy 1 myń 700-den astam jumysshy tártiptik jaýapkershilikke tartylsa, Atyraý, Maqat, Qandyaǵash, Mańǵystaý, Esil jáne Arys depolaryndaǵy jumystar qanaǵattanarlyqsyz dep tanylyp, olardyń birinshi basshylaryna tártiptik jaza qoldanyldy.
Al eńbekti qorǵaý boıynsha anyqtalǵan 520 qatelik úshin 168 adam jaýapqa tartylyp, Atyraý, Maqat, Mataı, Sekseýil, Jańaarqa, Túrkistan depolarynyń jumystary qanaǵattanarlyqsyz degen baǵa aldy.
