Logıstıkalyq júıeni paıdalanýdyń tıimdiligi zor - T.Yntyqov
ASTANA. QazAqparat - Logıstıkalyq júıeni paıdalanýdyń tıimdiligi zor. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken Qaraǵandy memlekettik tehnıkalyq ýnıversıtetiniń professory, tehnıka ǵylymynyń kandıdaty Toqmyrza Yntyqov aıtty.
«Damyǵan elderdiń tájirıbesi logıstkalyq júıeni paıdalanýdyń tıimdiligi zor ekendigin kósretip otyr. Óıtkeni, ol kóliktik shyǵystardy kúrt tómendetip, júkti tıeý ári túsirý jumystaryna ketetin shyǵyndardy aıtarlyqtaı qysqartady», - dedi ol.
T.Yntyqovtyń sózine qaraǵanda, logıstıkalyq júıeniń arqasynda ýaqyt ta birshama únemdelip, materıaldyq quraldary aınalymy jedeldetile túsedi.
«Respýblıkalyq ári halyqaralyq deńgeıdegi iri jalpy jelilik kólik taramdarynda óńirlik termınaldar jelisi men júk ári júkterdi ilgeriletýdiń kóliktik-logıstıkalyq ortalyqtaryn qurýdyń mańyzy óte zor. Bul rette onyń mańyzdy quramdas bóligi ǵylymı-tehnıkalyq jáne kadrlyq qamtamasyz etý bola alady», - dedi professor.
