Logıstıka júıesine Smart Cargo tsıfrlyq platformasy engizildi — Memleket basshysy
ASTANA. KAZINFORM — QR Prezıdenti janyndaǵy sheteldik ınvestorlar keńesiniń 38-shi plenarlyq otyrysynda Qasym-Jomart Toqaev logıstıka salasyndaǵy tsıfrlandyrý jóninde málimdedi.
Onyń sózinshe, birtutas baılanys qaǵıdatyna saı qyzmet etetin baǵdarlama arqyly negizgi kólik dálizderi tsıfrlandyrylady.
— Qazaqstannyń munaı-gaz salasyn tsıfrlyq turǵydan transformatsııalaý aıtarlyqtaı alǵa jyljydy. Kómirtegin óndirý men óńdeý nysandarynyń tsıfrlyq kóshirmesin qurýǵa aıryqsha nazar aýdarylyp otyr. Sonymen qatar shıkizat óndirýden bastap satýǵa deıingi barlyq jetkizý tizbegin qamtıtyn munaı men munaı ónimderin keshendi baqylaý júıesi engizilýde. Jabdyqtardyń isten shyǵýyn boljaý, óndiristik úderisterdiń senimdiligin arttyrý jáne kásiporyndardyń jumysyn ońtaılandyrý úshin jasandy ıntellekt negizindegi sheshimder qoldanylady. Sondaı-aq «Astana» halyqaralyq qarjy ortalyǵy jasandy ıntellekt salasyndaǵy ınnovatsııalyq sheshimderdi synaqtan ótkizýge arnalǵan senimdi alań qyzmetin atqarady. Ortalyq FinTech Lab retteý alańdary arqyly aǵylshyn quqyǵynyń artyqshylyqtaryn jáne álemdegi eń úzdik derekterdi qorǵaý júıeleriniń birin usynady. Túptep kelgende, AHQO ashyq bıznes erejelerin, senimdi quqyqtyq qorǵaýdy jáne derekter qaýipsizdigin saqtaýdyń eń joǵary standarttaryn qamtamasyz etedi, — dedi Prezıdent.
Sonymen birge, ol ınvestıtsııalyq yntymaqtastyqtyń anaǵurlym perspektıvti baǵyttaryna toqtaldy.
Odan bólek, Prezıdent asa mańyzdy materıaldar salasynda ashyqtyq pen tehnologııalyq ekojúıe qalyptastyrýdy basym mindet retinde atady.
— Asa mańyzdy paıdaly qazbalar jańa ındýstrıaldyq dáýirdiń negizgi strategııalyq resýrsy sanalady. Jahandyq ózgeristerge jaýap retinde Qazaqstan jetekshi álemdik kompanııalarmen yntymaqtastyqqa óte qolaıly jaǵdaı jasaı otyryp, óziniń normatıvtik-quqyqtyq bazasy men salany qadaǵalaý tetikterin únemi jetildirip keledi. Biz Jer qoınaýyn paıdalanýdyń biryńǵaı platformasyn iske qostyq. Bul jer qoınaýyn paıdalanýshylardyń mindettemelerin lıtsenzııalaýǵa jáne baqylaýǵa qatysty 22 memlekettik qyzmetti avtomattandyrdy. Buryn tek qaǵaz jáne magnıttik formattarda ǵana bolǵan 4,7 mıllıonnan astam arhıvtik geologııa qujattary men materıaldary biryńǵaı ulttyq tsıfrlyq qorǵa kóshirildi. Budan bólek, biz tarıhı geologııalyq derekterdi zamanaýı, mashına oqı alatyn formatqa túrlendirýdi jedeldetý úshin jasandy ıntellektini qoldana bastadyq. Astanada Sırek kezdesetin metaldar boıynsha óńirlik zertteý ortalyǵyn ashý bastamasy aıasynda halyqaralyq ınvestorlarǵa joǵary dáldikpen geologııalyq derekter usynatyn biryńǵaı ortalyq qurylady, — dedi Memleket basshysy.
Aıta keteıik, buǵan deıin elimiz ınvestıtsııa tartý kórsetkishi boıynsha Ortalyq Azııadaǵy kóshbasshylyǵyn saqtaýdy kózdeıtinin jazǵanbyz.
