Lloyd's: urlanǵan áshekeıler jaıynda aqparat bergenge 1 mln. eýro syıaqy tapsyrylady
ASTANA. 7 tamyz. QazAqparat - Lloyd's birneshe kún buryn Kannda urlanǵan áshekeıler jaıynda aqparat bergen kez kelgen azamatqa 1 mln. eýro kóleminde syıaqy beretinin jarııalady. Qoldy bolǵan áshekeılerdiń quny 100 mln. eýroǵa baǵalanyp otyr. Bul týraly VVS habarlady.
Atalǵan saqtandyrýshylardyń málimetine qaraǵanda, tergeýge paıdaly aqparatty birinshi bergen adam syıaqyǵa qol jetkize alady.
Frantsııa zańnamasy boıynsha urlyq týraly habarlaǵan adamnyń aty-jóni jasyryn kúıinde saqtalady.
28 shildede qarýlanǵan belgisiz bireý «Karlton» qonaq úıi ǵımaratyna enip, zergerlik buıymdardyń kórmesi kezinde áshekeılerdi jymqyryp ketken.
