lll TMD elderi oıyndary: Qazaqstan uldar quramasy bokstan 7 júlde aldy
ASTANA. KAZINFORM – Bokstan Qazaqstan uldar quramasy Ázirbaıjannyń Evlah qalasynda ótken lll TMD elderi oıyndarynda barlyǵy 7 júlde oljalady. Bul týraly Sportty damytý dırektsııasy habarlady.
Edige Nurqoja (-52 kg) kúmis medal, al Qorǵanbek Baltın (-48 kg), Jalǵas Apbaz (-54 kg), Aldııar Baıandınov (-63 kg), Daryn Tólegen (-70 kg), Baýyrjan Álıakbar (-80 kg), Erketań Jarqynbek (+80 kg) qola medal ıelendi.
Aıta keteıik, Qazaqstan sportshylary lll TMD elderi oıyndarynda badmınton, nysana kózdeý, semserlesý men kúres túrlerinen baq synap, júldeli orynnan kórindi.
ІІІ TMD oıyndary 28 qyrkúıek pen 8 qazan aralyǵynda Ázerbaıjannyń 7 qalasynda ótedi. Olar Gıandja, Evlah, Mıngıachevır, Gabala, Shekı, Geıgel jáne Hankendı. Ashylý jáne jabylý saltanaty Gıandja qalalyq stadıonynda bolady. Eki is-shara da jergilikti ýaqyt boıynsha 19:00-de bastalady.
Almaty 2026 jyly TMD-nyń sport astanasy mártebesine ıe boldy.