Lız Trass Brıtanııa premer-mınıstri qyzmetinen ketetinin málimdedi
ASTANA. QazAqparat - Lız Trass Torı partııasynyń jetekshisi qyzmetinen ketetinin jarııalady. Ol óz ornyna kandıdat kelgenge deıin premer-mınıstr qyzmetin jalǵastyrady, dep habarlaıdy QazAqparat Euronews-ke silteme jasap.
«Konservatıvtik partııanyń jańa kóshbasshysyn jáne premer-mınıstrdi saılaý kelesi aptada ótedi. Brıtan oppozıtsııasynyń jetekshisi, leıborıster partııasynyń tóraǵasy Kır Starmer elde merziminen buryn saılaý ótkizý qajettigin taǵy da aıtty», - dep jazady basylym.
Eske salaıyq, 47 jastaǵy L.Trass Torı partııasynyń qaıratkeri. Ulybrıtanııa premer-mınıstri laýazymyna bıylǵy qyrkúıek aıynyń basynda ǵana saılanǵan bolatyn.
18 qazan kúni ǵana Ulybrıtanııa premer-mınıstri óz qyzmetinde jibergen qatelikteri úshin keshirim surap, alaıda, bıleýshi Konservatıvtik partııanyń birqatar múshesiniń úndeýine qaramastan otstavkaǵa ketýden bas tartqan edi.
Foto: static.independent.co.uk
