Іlııas Jansúgirovtiń 1927 jyly jaryq kórgen jyr jınaǵy tabyldy
Jyr Qulageri atanǵan dúldil aqyn Іlııas Jansúgirovtyń buryn belgisiz bolyp kelgen taǵy bir kitaby tabyldy, dep habarlaıdy Kazinform.
Tóte jazýmen terilip, 1927 jyly Máskeý qalasyndaǵy baspadan shyqqan jınaqty Almaty qalasynyń baıyrǵy turǵyny, kınorejısser Erbol Boranshauly jeke kitaphanasynda saqtaǵan eken. Aqynnyń shymshyma óleńderinen quralǵan kitap «Ótirik» dep atalady. Іlııas aqyn repressııa quryǵyna ilingen kezde kóptegen kitaptary men qoljazbalary tárkilenip, joıylǵan bolatyn. Al Erbol Boranshaulynyń jeke muraǵatynan tabylǵan bul túpnusqa jınaq Jansúgirov murasyna qosylǵan úles qana emes, qazaq ádebıeti tarıhyndaǵy eleýli oqıǵa bolyp otyr.
Qazir tabylǵan kitap Taldyqorǵandaǵy Іlııas Jansúgirov atyndaǵy oblystyq ádebı murajaıǵa qoıylǵan.
Bul súıinshi habardy atalǵan murajaı meńgerýshisi Nurgúl Jaýynbaeva Jetisý ýnıversıtetinde ótken «Jansúgirov oqýlary» respýblıkalyq ǵylymı-praktıkalyq konferentsııasynda habarlady.
– Bul kitap - buryn-sońdy eshkimniń qolyna túspegen túpnusqa. Súıinshi habardy Jansúgirov oqýlaryna elimizdiń túkpir-túkpirinen kelgen Іlııastanýshy ǵalymdar men stýdent jastarǵa jetkizip otymyz.
Kitapty kórip kózaıym bolýdy oılaǵan jandardy mýzeıge shaqyramyn, - deıdi Іlııas Jansúgirov atyndaǵy oblystyq ádebı murajaı meńgerýshisi Nurgúl Jaýynbaeva.
Al ýnıversıtet qabyrǵasynda dástúrli túrde ótetin ǵylymı konferentsııada Іlııas Jansúgirovtiń ómiri men shyǵarmashylyǵy jan-jaqty talqylandy.
