Іlııas Ospanov Ónerkásip jáne qurylys vıtse-mınıstri bolyp taǵaıyndaldy

Qazaqstan Respýblıkasy Úkimetiniń qaýlysymen Іlııas Esetuly Ospanov QR Ónerkásip jáne qurylys vıtse-mınıstri qyzmetine taǵaıyndaldy. Bul týraly Kazinform Úkimettiń Baspasóz qyzmetine silteme jasap habarlaıdy.

Іlııas Ospanov 1986 jyly Astana qalasynda dúnıege kelgen.

L.N. Gýmılev atyndaǵy Eýrazııa ulttyq ýnıversıtetin jáne London ımperııalyq kolledjin bitirgen. Prezıdenttik jastar kadr rezerviniń múshesi.

Eńbek jolyn 2008 jyly «Astana sý arnasy» MQK ınjeneri bolyp bastady.

2011-2012 jyldary – «Astana sý arnasy» sharýashylyq júrgizý quqyǵyndaǵy MQK óndiristik-tehnıkalyq bóliminiń 1-sanattaǵy ınjeneri.

2012-2014 jyldary QR Indýstrııa jáne jańa tehnologııalar mınıstrligi Jańa tehnologııalar jáne energııa únemdeý departamentinde sarapshy, bas sarapshy bolyp jumys istedi.

2014 jyly QR Indýstrııa jáne jańa tehnologııalar mınıstrligi Jańa tehnologııalar departamenti Innovatsııalyq saıasat basqarmasynyń basshysy boldy.

2014-2016 jyldary QR Investıtsııalar jáne damý mınıstrliginde basshylyq qyzmetter atqardy.

2016-2017 jyldary Ońtústik Qazaqstan oblysynyń kásipkerlik, ındýstrıaldy-ınnovatsııalyq damý jáne týrızm basqarmasy basshysynyń orynbasary boldy.

2018-2020 jyldary — QR jáne Dúnıejúzilik banktiń «Ónimdi ınnovatsııalardy yntalandyrý» jobasyn basqarý toby dırektorynyń orynbasary.

2020-2021 jyldary — «Injınırıng jáne tehnologııalar transferti ortalyǵy» AQ prezıdenti.

2021 jyly «QazInnovations» ulttyq ınnovatsııalardy damytý agenttigi» AQ basqarma tóraǵasy qyzmetin atqardy.

2021 jyldan 2023 jylǵa deıin Indýstrııa jáne ınfraqurylymdyq damý mınıstrligi Indýstrııalyq damý komıtetiniń tóraǵasy boldy.

2023 jylǵy 30 qańtardan bastap qazirgi ýaqytqa deıin — QR Indýstrııa jáne ınfraqurylymdyq damý vıtse-mınıstri.