Lııa Qoshqarbaeva karateden onlaın týrnır jeńimpazy atandy
NUR-SULTAN. QazAqparat - Karateden Kazakhstan Open onlaın jarysynyń kezekti kezeńi óz máresine jetti, dep habarlaıdy Olympic.kz.
Ashyq chempıonatqa barlyǵy 14 eldiń sportshylary qatysty. Jarysqa Japonııadan kóp sportshy qatysýǵa ótinish jibergen jáne olardyń birazy fınalǵa deıin jetti.
Sonymen, 14-15 jastaǵy uldar arasynda Sýzýkı Harýto frantsııalyq Gabrıel Kýlýchıdi jeńdi. Al qyzdar arasynda ıÝrıı Takanozava ındonezııalyq Agnııa Zamzamıennen utylyp qaldy. Al erler arasyndaǵy básekeniń fınalynda eki qazaqstandyq sportshy kezdesti. Nátıjesinde, jastar arasyndaǵy álem chempıonatynyń qola júldegeri Raýan Amantaıuly álem kýbogynyń ıegeri Ǵabıden Ýrynbaevty utty.
Áıelder sanatynda halyqaralyq onlaın týrnıriniń chempıony ulttyq qurama múshesi Lııa Qoshqarbaevaǵa fınalda kanadalyq sportshy Lýgo Sosana qarsylas atandy.
Lııa osymen bıyl ekinshi ret halyqaralyq jarystyń jeńimpazy atanyp otyr.
