Lıvııanyń jaǵalaýynda 35 mıgrant joǵalyp ketti
ASTANA. QazAqparat - Lıvııa jaǵalaýynda qaıyqtyń aýdarylýynan keminde 35 mıgrant opat bolýy múmkin, dep habarlaıdy RIA Novostı.
Agenttik taratqan málimetterge qaraǵanda, olardyń ishinde 7 bala bolǵan.
Lıvııanyń jaǵalaý kúzeti ókili atalǵan aýmaqtan 85 mıgranttyń qutqarylǵandyǵyn aıtty.
Aıta keteıik, búginde Eýropa ekinshi Dúnıejúzilik soǵystan keıin Taıaý Shyǵys pen Soltústik Afrıkada elderindegi qarýly qaqtyǵystar men ekonomıkalyq turaqsyzdyq saldarynan týyndaǵan mıgratsııalyq daǵdarystan qatty zardap shegip otyr.
FOTO: © AFP 2017 / Turkia Mahmud
