Lıvııanyń ýaqytsha prezıdentine qastandyq jasaldy
ASTANA. 9 qańtar. QazAqparat - Lıvııanyń ýaqytsha prezıdenti jáne ulttyq parlament jetekshisi Muhammed ál-Maǵrıf ózine qastańdyq jasalmaq bolǵanyn málimdedi.
Associated Press-tiń habarlaýynsha, saıasatker memlekettik telearnaǵa bergen suhbatynda qastańdyqtan Qudaı saqtap qalyp, esh zardap shekpegenin aıtqan, dep jazady muslim.kz
Prezıdenttiń aıtýynsha, ómiri men densaýlyǵyna qaýip tóndirgen oqıǵa senbige qaraǵan túni, 5 qańtarda eldiń ońtústigindegi Sebh qalasynda bolǵan. At basyn tiregen qonaq úıge qarýly adamdar basa-kóktep kirip, kúzetshilerimen atysqan kórinedi.
Saıasatkerdiń aıtýynsha, olardyń qansha adam ekeni jáne túr-túsi qandaı ekenin anyqtaý múmkin bolmaǵan.
Sondaı-aq, atys tań atqansha toqtamaı, úsh saǵatqa sozylǵan. Atys kezinde onyń úsh kúzetshisi jaraqat alǵan.
2012 jyly, jeltoqsannyń ortasynda ál-Maǵrıf bastaǵan Ulttyq assambleıa eldiń ońtústigindegi shekarany jabatynyn jáne ońtústiktegi birqatar aımaqty tótenshe jaǵdaıda áreket etetin áskerı zona retinde jarııalaıtynyn aıtqan bolatyn.
Bılik mundaı sharalarǵa shóldegi taıpalardyń arasyndaǵy qaqtyǵystardyń jıilep ketýi sebebinen barǵan. Sondaı-aq, bul - Lıvııaǵa Ortalyq Afrıkadan aǵylǵan zańsyz mıgranttardyń jolyn kesý úshin qolǵa alynǵan shara ekenin esterińizge sala ketkimiz keledi.
Reuters agenttiginiń málimetine qaraǵanda, ál-Maǵrıf Sebh qalasyna jergilikti kósemdermen terrıtorııanyń mártebesine qatysty máseleni talqylaý úshin kelgen kórinedi.
