Lıvııanyń syrtqy ister mınıstri Ulybrıtanııaǵa qashyp ketti
ASTANA. 31 naýryz. QazAqparat - Lıvııanyń syrtqy ister mınıstri Musa Kýsa kútpegen jerden Londonǵa ushyp keldi.
Ol Mýammar Kaddafıdiń rejıminen qashyp kelip otyr, dep málim etti Ulybrıtanııa úkimeti.
VVS telekompanııasynyń habarlaýynsha, buǵan deıin Trıpolı ókili Lıvııa syrtqy saıasat vedomstvosyn 2 jyl basqarǵan Musa Kýsanyń shetelge dıplomatııalyq mıssııamen attanǵanyn málim etken bolatyn.
"Biraq Kýsa myrza óz laýazymynan ketetinin brıtan ókimetine málim etti", - dep habarlady Brıtanııanyń Syrtqy ister mınıstrliginen.
Kýsa sársenbi kúni Anglııanyń ońtústigindegi Farnboro áýejaıyna Týnısten kelip qonǵan. Lıvııa mınıstrimen brıtan arnaıy qyzmetteriniń ókilderi uzaq ýaqyt boıy sóılesip, onyń nıetiniń shynaıylyǵyna kóz jetkizgen. «Biz Kaddafıdiń tóńiregindegilerdi de osylaı etýge shaqyramyz», - delingen brıtandyq vedomstvosynyń málimdemesinde.
Ulybrıtanııa syrtqy ister mınıstri Ýılıam Heıg buǵan deıin Parlamentte jasaǵan málimdemesinde, Londondaǵy Lıvııa elshiliginiń bes qyzmetkeri, onyń ishinde áskerı attashe de elden shyǵaryp jiberilgenin aıtqan edi. Heıgtiń aıtýynsha, olar Ulybrıtanııanyń ulttyq qaýipsizdigine qater tóndirýi múmkin.
