Lıvııanyń premer-mınıstri joǵalyp ketti
ASTANA. 10 qazan. QazAqparat - Lıvııada qarýlanǵan qylmyskerler eldiń premer-mınıstri Alı Zeıdandy belgisiz baǵytta alyp ketken, dep habarlady RBK.
Urlaýshylar Trıpoldaǵy Korınfskıı qonaq úıinen avtokólikpen shyqqan úkimet basshysynyń sońynan erip otyrǵan. Olar toqtaǵan kezde jaýyngerler kólikten premer-mınıstrdi alyp shyǵyp, ony ózderiniń kólikterine otyrǵyzyp, oqıǵa ornynan qashyp ketken.
Atalǵan oqıǵaǵa kýá bolǵandar qylmyskerler eshqandaı qarý qoldanbaǵanyn, esh shý shyǵarmastan alyp ketkenin aıtýda.
Facebook jelisinde shyqqan bul jańalyqty basynda eshkim shyn qabyldamady. Alaıda Alı Zeıdannyń urlanǵany jaıly faktini keıin premer-mınıstrdiń baspasóz qyzmetiniń ózi rastady.
Ázirge qylmystyń artynda kim turǵany belgisiz. Qylmystyq toptardyń eshbiri bul qylmysty moınyna almady. Tipti premer-mınıstrdi urlaǵan adamdar da ázirge eshqandaı talap qoıǵan joq.
