Lıvııanyń mádenıet mınıstriniń úıine shabýyl jasaldy
ASTANA. QazAqparat - Belgisiz qarýly adamdar Lıvııanyń mádenıet mınıstri Habıb ál Amınanyń (Habib al-Amin) úıine basyp kirgen, dep habarlady Sınhýa agenttigi qaýipsizdik kúshteri kózderine silteme jasap. Bul týraly RIA Novostı habarlady.
Qaıǵyly oqıǵa juma kúni túnde oryn aldy. Agenttikke derekkózdiń habarlaýynsha, shabýyl kezinde ál-Amın otbasymen úıinde bolmaǵan. Úıge basa-kóktep kirgen qaskúnemder úıdiń ishinde atys uıymdastyryp, artynsha ál-Amınniń sýretin jyrtyp tastaǵan. Muny kim jasaǵany áli kúnge belgisiz bolyp otyr.
Juma kúni baspasóz máslıhatynjda sóz sóılegen Habıb ál-Amın mundaı jaǵdaıdan keıin Lıvııa úkimetiniń resmı ókilderi tynysh uıyqtaı almaıtynyn málim etti.
«Úkimet aýyr jaǵdaılarda jumys isteýde. Keı mınıstrler óz úılerinde otyryp kirpik ilýden qalǵanyn jasyrǵym kelmeıdi», - dedi ol.
