Lıvııalyq ushaqty basyp alǵandardyń qarýlary jasandy bolyp shyqty
ASTANA. QazAqparat - Aldyn ala tergeý jumystarynyń málimeti boıynsha, lıvııalyq ushaqty basyp alǵandar jasandy qarý qoldanǵan, dep jazady Maltanyń premer-mınıstri Djozef Mýskat «Tvıtterdegi» paraqshasyna.
Lıvııalyq ushaqty aıdap áketken qaskúnemder Malta halyqaralyq áýejaıyna qonǵan soń, qamaýǵa alyndy. Olar tutqynǵa alǵandardyń kóp bóligin bosatyp, ózderi berildi. Afriqiyah Airways áýe kompanııasynyń laıneri Sabha qalasynan Lıvııa astanasy Trıpolıge ishki reıske ushqannan keıin basyp alyndy. Bortta 118 adam adam bolǵan.
Qazirge deıin basqynshylardyń naqty sany anyqtalmady. Olardyń 2011 jyly bılikten shettetilip, óltirilgen lıvııalyq kóshbasshy Mýammar Kaddafıdiń jaqtastary bolýy múmkin degen málimet bar. Kýágerlerdiń aıtýynsha, belgisiz bireý ushaqtyń basqyshyna shyǵyp, Kaddafıdiń kezindegi jasyl týdy bulǵaǵan.
