Lıvııalyq ÁQK ekstremısterdiń eldiń batysy men shyǵysyndaǵy pozıtsııalaryna áýe soqqysyn jasady
ASTANA. QazAqparat - Beısenbi kúni lıvııalyq ÁQK ekstremısterdiń eldiń batysy men shyǵysyndaǵy birshama aýdandaryndaǵy pozıtsııalaryna birqatar soqqylar jasady. Sky New Arabia telearnasynyń habarlaýynsha, Es-sıdr kemejaıyndaǵy munaı ónimderi qoımalarynyń biri atqylanǵan.
Sonymen qatar, úkimettik joıǵyshtar "Ansar ash-sharıa" ("Sharıǵat jaqtaýshylary") men "Mısýrat brıgadalary" radıkaldy ıslamshylarynyń Ben-Djavad, Mısýrat, Derndegi pozıtsııalaryna reıdterin jasaýdy jalǵastyrýda. «Lıvııa tańy» ıslamshyl koalıtsııasynyń basynda turǵan qarýly qurylymdardyń Ben-Djavad, Es-Sıdr, Ras-Lanýf termınaldaryna ornalasyp, shamamen 300 myń barrel munaı eksporttalatyn Sırt shyǵanaǵynyń jaǵalaýyn óz baqylaýyna alýǵa árekettenip otyrǵanyna ekinshi apta boldy.
14 jeltoqsan kúni qalyptasqan jaǵdaıǵa baılanysty Lıvııanyń Ulttyq munaı korporatsııasy Trıpolıde qaýipsizdikti saqtaý úshin Ras-Lanýf pen Es-Sıdrge munaıdy jetkizýdi qysqartý jospary jóninde habarlady. Málimdemede sondaı-aq onyń bara-bara «jumysshylardyń tek qajetti sanyn qaldyryp, qyzmetkerlerin saqtyqpen qamtamasyz etilgen jerge kóshiretini atalyp ótildi.
