Lıvııadan Qazaqstan azamattaryn evakýatsııalaý jumystary aıaqtaldy
ASTANA. 2 naýryz. QazAqparat - Uly Sotsıalıstik Halyqtyq Lıvııa Arab Djamahırııasyndaǵy daǵdarysty jaǵdaıdyń alǵashqy kúninen bastap Qazaqstan Lıvııa aýmaǵyndaǵy óz azamattaryn elge qaıtarý boıynsha sharalar qabyldaýda,
dep habarlady QR SІM baspasóz qyzmetinen.
Sońǵy aqparatqa sáıkes, RF Tótenshe jaǵdaılar mınıstrliginiń arnaıy ushaǵymen «Gazprom EP International» kompanııasynda jumys isteıtin Qazaqstan azamaty Máskeýge jetti. Onyń habarlaýynsha, qazirgi ýaqytta ol óz týystarymen birge Volgogradta.
Búginde Lıvııadan Qazaqstannyń 22 azamaty shyǵaryldy. Osylaısha, Lıvııadan Qazaqstan azamattaryn evakýatsııalaý jumystary aıaqtaldy.
Qazirgi sátte QR Dıpmıssııasyna baılanysqa shyqqan Qazaqstan azamattary týraly aqparattar túspegen. Elimizdiń Lıvııadaǵy Dıpmıssııasy óz jumysyn jalǵastyrýda.
