Lıvııadan hımııalyq qarý shyǵaryldy
ASTANA. QazAqparat - Danııadan shyqqan júk kemesi Mısýrata aılaǵynda Lıvııanyń hımııalyq qarýyn tıep alyp, Germanııaǵa bettedi. Bul elde joıqyn qarý joıylýy tıis, dep jazady 24.kz.
Bul Birikken Ulttar Uıymyna qarasty hımııalyq qarýǵa tyıym salý uıymynyń júzege asyryp otyrǵan sharasy.
Lıvııa 2004 jyly hımııalyq qarýyn joıýǵa kelisken bolatyn. Sol kezde osy eldiń ókimeti 24,7 tonna ıprıt gazy 1 myń 390 tonna hımııalyq zattary jáne 3 myńnan asa bombasy bar ekenin jarııalaǵan edi. 2011 jyly Mýammar Qaddafı bılikten aıyrylǵannan keıin, hımııalyq qarýdy joıý isi toqtap, elde 850 tonna hımııalyq zat qalyp qoıdy.
Bul joıqyn qarý Lıvııada áreket etip júrgen ekstremıstik toptardyń qolyna túsý qaýpi bolǵandyqtan, 22 shildede Birikken Ulttar Uıymynyń Qaýipsizdik keńesinde qarýdy Lıvııadan shyǵaryp, joıý jospary qurylǵan bolatyn. Bul sharany atqarý Danııaǵa usynyldy. Osy el 2014 jyly Sırııadan hımııalyq qarýdy shyǵaryp-joıý isinde negizgi mindet atqarǵan edi.
