Lıvııadaǵy jaǵdaıǵa baılanysty munaı baǵasy qaıta qymbattaı bastady
ANA. 5 naýryz. QazAqparat - 4 naýryzdaǵy saýdanyń qorytyndysy boıynsha Nıý-Iork bırjasynda Light Sweet munaıynyń resmı baǵasy 2,51 dollarǵa qymbattap,
104,2 dollar/barrelge jetti, dep habarlady RBK agenttigi.
Al London bırjasynda Brent munaıynyń resmı baǵasy 1,18 dollarǵa qymbattap, 115,97 dollar/barrel boldy.
"Munaıdyń álemdik naryqtaǵy baǵasynyń ósýine «qara altynnyń» iri eksporttaýshysy bolyp tabylatyn Lıvııadaǵy qaqtyǵystar sebep bolyp otyr. Oǵan qosa, AQSh-tyń shıki munaı jáne munaı ónimderi kommertsııalyq qorynyń qysqarýy týraly málimetter de munaı fıýchersterine óz áserin tıgizbeı qoımady", - deıdi sarapshylar.
