Lıvııadaǵy jaǵdaıǵa baılanysty Brıýsselde Eýroodaq basshylarynyń tótenshe májilisi ótedi
SSELЬ. 11 naýryz. QazAqparat /Dımash Syzdyqov/ - Lıvııadaǵy oqıǵalarǵa baılanysty búgin Brıýsselde Eýroodaqqa múshe 27 eldiń memleket jáne úkimet basshylarynyń qatysýymen tótenshe májilis ótedi.
Onda Eýropa elderiniń basshylary Lıvııa men Soltústik Afrıkadaǵy jaǵdaıdy talqylaıdy jáne arab áleminde órship bara jatqan qantógisterge qatysty málimdeme jasaıdy.
Eýroodaq Keńesiniń prezıdenti Herman Van Rompeı «kezdesýde Lıvııadaǵy oqıǵalarǵa qatysty Eýropalyq Odaqtyń reaktsııasy boıynsha usynys engizetinin» málim etti.
Eýroodaq sammıtiniń qarsańynda, 10 naýryzda, eýropalyq elderdiń syrtqy ister mınıstrleri keńes ótkizip, aımaqqa sapar jasap qaıtqan Eýroodaqtyń Syrtqy ister jáne qaýipsizdik saıasaty jónindegi joǵarǵy ókili Ketrın Eshtonnyń baıandamasyn tyńdaǵan edi.
Esterińizge sala keteıik, Lıvııada Mýammar Kaddafıdiń rejımine qarsy narazylyq aktsııalardyń jalǵasqanyna birneshe aptanyń júzi boldy. Onda sherýshilerge qarsy armııa kúshteri men tehnıkasy, onyń ishinde ushaqtar men artıllerııa kúshteri qoldanylýda. Halyqaralyq uıymdardyń derekteri boıynsha, qaýipsizdik kúshterimen jáne sheteldik jaldaptarmen bolǵan qaqtyǵystarda 2 myńǵa jýyq adam qaza bolǵan, taǵy 4 myń adam jaraqat alǵan.
Oǵan qosa, kóptegen sarapshylar Lıvııadaǵy oqıǵalardyń saldarynan, ıaǵnı Lıvııadan munaı jetkiziliminiń uzaqqa toqtap qalý yqtımaldyǵyna oraı, 2011 jyly munaı baǵasy aspandaıdy degen boljamdar jasap otyr.
BUU men Eýroodaq Lıvııa basshylyǵyna qarsy sanktsııalar engizdi, elge qarý-jaraq jetkizilimine tyıym saldy. Oǵan qosa Lıvııa basshysy men onyń tóńiregindegi tulǵalardyń esepshottary jabyldy. Halyqaralyq qoǵamdastyq M.Kaddafıdi el basshylyǵynan ketýge shaqyryp otyr.
