Lıvııadaǵy jaǵdaı baqylaýdan shyǵyp barady
ASTANA. 19 aqpan. QazAqparat - Lıvııadaǵy jaǵdaı barǵan saıyn baqylaýdan shyǵyp barady, dep habarlady RBK agenttigi.
Parlament jumysyn toqtatty. Kólemi jaǵynan eldegi úshinshi qala - Ál-Beıda qarsylasýshylardyń baqylaýyna kóshti. Qazir Lıvııa ókimeti eldegi ekinshi qala - Bengazıge brondy tehnıkamen qarýlanǵan ásker engizýde. Kýágerlerdiń aıtýynsha, bul eldi mekenge birneshe tank kelip kirgen, onyń tórteýi sot ǵımaratyn kúzetke alǵan. Bangazıdiń birqatar aýdandarynda elektr ajyratyldy, jergilikti áýejaı jabyldy. Qýatalmaǵan málimetter boıynsha, áskerılerdiń bir bóligi oppozıtsııa jaǵyna shyqqan.
Aldyn ala habarlar boıynsha, úsh táýliktiń ishinde Lıvııadaǵy jappaı buqaralyq tolqýlardyń saldarynan 46 adam qaza boldy.
Esterińizge sala keteıik, Lıvııadaǵy tolqýlar kórshiles Egıpette jappaı qarsylyq aktsııalary Hosnı Múbarakti taqtan taıdyrǵannan keıin bastalǵan.
