Lıvııadaǵy taıparalyq qaqtyǵystardyń saldarynan 70 adam kóz jumdy, 100 adam jaraqattanǵan
ASTANA. 29 naýryz. QazAqparat - Lıvııadaǵy Sabhı qalasynyń aýdanynda bolǵan kezekti taıparalyq qaqtyǵystar 70 adamnyń ómirin qıdy, 100-den astam adam jaraqat alǵan,
dep habarlady Reuters.
Sabhı qalasynan qara násildi týbý taıpalyq áskerıler men arab jasaqtary arasyndaǵy qaqtyǵys 3 kúnge sozyldy. Qaqtyǵysty sheshý men kómek kórsetý úshin taıpanyń aqsaqaldaryna iske aralasýǵa týra keldi, dep habarlady RBK.
«Sabhı qalasynan kelgen ókilder men týbý taıpa áskerleriniń basshylary kelissózder júrgizip, qaqtyǵysty toqtatýǵa, oq atpaýǵa kelisti», - dep túsinik berdi jýrnalısterge Sabhı qalalyq keńesiniń múshesi Ahmed Abdelkadır.
Degenmen jergilikti turǵyndar qysqa qaqtyǵystardyń áli bolyp jatqandyǵyn aıtady. Qaqtyǵysqa kim qatysyp jatqandyǵy belgisiz, alaıda jergilikti turǵyndar buny arabtardyń óltirilgen jaqyndary úshin kek alýy dep túsinik berýde.
Resmı málimetterge qaraǵanda, týbý men arab taıpasynyń eki toby bir kólikti bólise almaı, máseleni anyqtaý barysynda arabtardyń biri atylyp, kóz jumǵannan keıin taıpa arasyndaǵy qaqtyǵys ashyq óshpendilikke ulasty. Lıvııanyń ІІM habarlaǵandaı, qaqtyǵys oryn alǵan aýdanǵa 600 adam jiberildi.
