Lıvııadaǵy operatsııa kezinde NATO ushaqtary 18 00 áskerı nysanany joıdy
SSELЬ. 7 maýsym. QazAqparat /Dımash Syzdyqov/ - Lıvııadaǵy operatsııa kezinde NATO avıatsııasy 10 myńdaı ret áýege kóterilip, 1 800 áskerı nysananyń kózin joıdy.
Soltústikatlantıkalyq alıanstyń Bas hatshysy Anders Fog Rasmýssen Brıýsselde ótken brıfıngte osyndaı málimdeme jasady.
Onyń aıtýynsha, atalǵan 1800 áskerı nysananyń qataryna 100 komandalyq qosyn, oq-dárilerdiń 700 qoımasy jáne beıbit halyqqa qarsy qoldanylǵan bes júzdeı tank, saýytty tehnıka jáne zymyran qondyrǵylary bar.
NATO Bas hatshysy sondaı-aq alıanstyń áskerı operatsııasynyń arqasynda Mýammar Kaddafıdiń el aýmaǵynyń biraz bóligindegi baqylaýdan aırylǵanyn, al onyń rejıminiń tynysy tarylyp kele jatqanyn aıtty.
Anders Fog Rasmýssenniń aıtýynsha, degenmen M.Kaddafıdiń rejımi áli de qaýipti. «Sondyqtan da alıans óz mıssııasyn taǵy 90 kúnge uzartty. Biz áskerı qysymdy kúsheıtip, operatsııalardy qajet bolǵansha jalǵastyrýǵa ázirmiz», dedi ol óz sózinde.
NATO Bas hatshysy sársenbi, 8 maýsym kúni alıanstyń qorǵanys mınıstrleri Brıýsselde bas qosyp, áskerı operatsııany ári qaraı jalǵastyrý úderisin jáne M.Kaddafı taǵynan taıdyrylǵan keıin jasalatyn qadamdardy talqylaıtynyn aıtty. «Sebebi, Kaddafı ketetin kún alys emes. Eldiń keleshegi Lıvııa halqynyń óz qolynda», - dep málim etti alıans basshysy.
