Lıvııadaǵy oqıǵalarǵa baılanysty Brıýsselde Eýroodaqtyń syrtqy ister mınıstrleri keńesiniń tótenshe otyrysy shaqyrylady
SSELЬ. 4 naýryz. QazAqparat /Dımash Syzdykov/ - Lıvııadaǵy oqıǵalarǵa baılanysty 10 naýryzda Brıýsselde Eýroodaqqa múshe 27 memlekettiń syrtqy ister mınıstrleri keńesiniń tótenshe otyrysy shaqyrylǵaly otyr,
dep habarlady Eýrokomıssııanyń baspasóz qyzmetinen.
Vedomstvonyń aqparaty boıynsha, bul kezekten tys kezdesýdi shaqyrýǵa Eýroodaqtyń Syrtqy ister jáne saıasat jónindegi joǵarǵy ókili Ketrın Eshton bastamashy bolyp otyr. Onda Lıvııadaǵy, sondaı-aq Soltústik Afrıka men Taıaý Shyǵystaǵy ahýal talqylanbaq. K.Eshton óziniń óńirge jasaǵan sapary týraly, halyqaralyq seriktestermen ótkizgen kezdesýleri jáne Soltústik Afrıka men Taıaý Shyǵystyń birqatar elderindegi ótpeli kezeń ókimetterin qoldaý jumystary týraly baıandama jasamaq.
Eýroodaq elderiniń syrtqy ister mınıstrleri sondaı-aq 11 naýryzda Brıýsselde ótetin Eýropalyq keńestiń kezekten tys otyrysyna daıyndyq jumystaryn júrgizedi.
