Lıvııada jańa munaı ken orny tabyldy

ASTANA. KAZINFORM — Lıvııanyń ulttyq munaı korporatsııasy eldiń ońtústik-batysyndaǵy Gadames basseıni aımaǵynda jańa munaı jáne gaz ken ornyn tapqany týraly habarlady. Bul týraly Sınhýa agenttigi jazdy.

Kompanııanyń málimetinshe, uńǵyma 8440 fýt tereńdikte burǵylanǵan. Aldyn ala boljam boıynsha kúndelikti gaz óndirý kólemi shamamen 13 mln tekshe fýtty, al Ýınat Vanın jáne Ýınat Kaza qabattarynan kondensat óndirisi 327 barreldi quraıdy.

Gadames basseıni Lıvııa, Aljır jáne Týnıs shekaralyq aımaǵynda, Trıpolıden shamamen 600–620 shaqyrym qashyqtyqta ornalasqan. Ol kómirsýtek qorynyń moldyǵyna baılanysty Soltústik Afrıkanyń eń iri munaı-gaz aımaqtarynyń biri.

Lıvııanyń negizgi tabys kózi - munaı men gaz eksporty. Alaıda sońǵy jyldary óndiris birneshe ret qaqtyǵystar men saıası turaqsyzdyqqa baılanysty buzylǵan.

Eske salaıyq, byltyr kanadalyq energetıkalyq kompanııa Baltyq teńizinde iri kómirsýtek qory bar ken ornyn anyqtaǵan edi.