Lıvııada urlanǵan mysyrlyq dıplomattar bosatyldy
ASTANA. 27 qańtar. QazAqparat - Lıvııanyń Trıpolı qalasynda osydan eki kún buryn urlanǵan mysyrlyq dıplomattar bosatyldy, onyń ishinde Mysyrdyń mádenı istermen aınalysatyn dıplomaty da bar, dep habarlaıdy Lenta.rý «ál-Arabııaǵa» silteme jasap.
Dıplomattardy urlaǵan top atalmysh basylymǵa elshilik qyzmetkerlerin Mysyrdyń Syrtqy ister mınıstrligi ókilderiniń talap etýimen bosatýǵa sheshim qabyldaǵandary týraly jetkizdi. Dıplomattardy bosatýdy budan buryn Lıvııa bıligi de suraǵan bolatyn.
Adam urlaýshylar bul áreketteri arqyly Mysyrda quryqtalǵan asa yqpaldy dala komandıri, lıvııalyq Shaaban Hadeıdi 24 saǵat ishinde bosatyp alýdy kózdegen edi. Olardyń talaptary oryndalǵan joq.
Lıvııada tórt mysyrlyq dıplomattyń urlanǵany týraly 25 qańtar kúni belgili bolǵan. Bul qylmystan bir kún buryn Mysyrdyń Trıpolıdegi elshiliginiń taǵy bir qyzmetkeri urlanǵan bolatyn. Osy oqıǵalardan soń Kaır óziniń dıplomatııalyq ókilderin Lıvııadan alyp kete bastaǵan.
