Lıvııada táýlik ishinde ekinshi qýatty jarylys oryn aldy: jeti adam qaza tapty
ASTANA. QazAqparat - Lıvııalyq Ras-Lanýf portty qalasynda baqylaý-ótkizý pýnktinde mına qoıylǵan kólik jarylyp, bir jasar balany qosa alǵanda, jeti adam qaza tapty, dep habarlady Bı-bı-sı.
Lıvııa qaýipsizdik kúshteriniń aqparatyna sáıkes jarylysty jankeshti uıymdastyrǵan. Taǵy 11 adam jaraqat aldy.
Bul - Lıvııada táýlik ishinde oryn alǵan ekinshi shabýyl. Beısenbi kúndiz jankeshti júk kóligine jarylǵysh zat qoıyp, eldiń soltústik batysyndaǵy Zlıten qalasyndaǵy polıtseılerdi daıyndaý ortalyǵyna shabýyldady.
Jarylys qurbandary kem degende 47 adam.
«Islam memleketi» (Reseıde jáne basqa de elderde tyıym salynǵan ekstremıstik uıym) sońǵy ýaqytta portty qalalardy basyp alýǵa tyrysyp, belsendi túrde Lıvııaǵa kelýin jıiletýde.
Ótken aptada jáne osy aptanyń basynda ıslam sodyrlary Sıdra men Ras-Lanýf porttarynda iri munaı termınaldaryna birneshe ret shabýyl jasady.
