Lıvııada taǵy bir munaı nysanyna dronmen shabýyl jasaldy
ASTANA. KAZINFORM — Lıvııa aýmaǵyndaǵy taǵy bir munaı nysanyna ushqyshsyz ushý apparatymen soqqy jasaldy. Shabýyldar jalǵasatyn bolsa, kompanııa munaı óńdeý zaýytynyń jumysyn toqtatýy múmkin. Bul týraly Ulttyq munaı korporatsııasy (NOC) málimdedi, dep habarlaıdy TASS.
— Bul aımaqtaǵy munaı nysandaryna tónip turǵan qaýipti kórsetetin úshinshi oqıǵa. Bul jaǵdaı tıisti organdardyń shuǵyl aralasýyn talap etedi. Sondyqtan tıisti vedomstvolar tarapynan shuǵyl sharalar qabyldaý qajet. Sonymen qatar kompanııanyń dırektorlar keńesi mundaı shabýyldar jalǵasqan jaǵdaıda fors-major jarııalap, munaı óńdeý zaýytynyń jumysyn tolyq toqtatýǵa májbúr bolatynyn málimdeıdi, — delingen korporatsııanyń Facebook-tegi habarlamasynda.
Korporatsııa sońǵy shabýyl saldarynan adam shyǵyny nemese materıaldyq zalal tirkelmegenin atap ótti.
Buǵan deıin korporatsııa Ez-Zavııa qalasyndaǵy munaı jáne basqa da nysandarǵa birneshe ret shabýyl jasalǵanyn habarlaǵan bolatyn. 8 tamyzda dron munaı óńdeý zaýytyndaǵy tazartylmaǵan naftany saqtaýǵa arnalǵan rezervýarǵa tikeleı soqqy jasaǵan. Sonyń saldarynan rezervýardyń qabyrǵalary zaqymdanyp, eki tesik paıda bolǵan jáne onda saqtalǵan ónimniń bir bóligi syrtqa tógilgen.
Onyń aldynda dron Zavııadaǵy sý tuşytý stantsııasyna da soqqy jasaǵan.
Eske salaıyq, Lıvııanyń ulttyq munaı korporatsııasy eldiń ońtústik-batysyndaǵy Gadames basseıni aımaǵynda jańa munaı jáne gaz ken ornyn tapqany týraly habarlaǵan bolatyn.
