Lıvııada taǵy bir munaı nysany dron soqqysyna ushyrady
ASTANA. KAZINFORM — Lıvııa aýmaǵyndaǵy taǵy bir munaı nysany dron soqqysyna ushyrady. Eger shabýyl taǵy jasalsa, MÓZ jumysyn toqtatýy múmkin. Bul týraly Ulttyq munaı korporatsııasy (National Oil Corporation, NOC) habarlady, dep jazdy TASS.
— Bul úshinshi oqıǵa, aımaqta tıisti vedomstvolardyń shuǵyl aralasýyn talap etetin munaı nysandaryna tónip turǵan qaýipti kórsetip otyr. Budan basqa, kompanııanyń dırektorlar keńesi mundaı shabýyl jalǵasa berse, fors-major jarııalaýǵa jáne munaı óńdeý zaýytyndaǵy jumysty tolyǵymen toqtatýǵa májbúr bolatynyn málimdeıdi, — delingen kompanııanyń Facebook-tegi habarlamasynda.
Korporatsııa sońǵy soqqy saldarynan eshqandaı adam shyǵyny nemese materıaldyq zalal tirkelmegenin atap ótti.
Korporatsııa buǵan deıin Ez-Zavııadaǵy munaı jáne basqa da nysandarǵa birqatar shabýyldar jasalǵanyn habarlaǵan.
8 tamyzda ushqyshsyz apparat shıki naftany saqtaý úshin paıdalanylatyn munaı óńdeý zaýytynyń rezervýaryna tikeleı soqqy jasady.
Shabýyl rezervýar qabyrǵalaryn zaqymdap, eki jerden tesilip, saqtalǵan ónimniń bir bóliginiń aǵyp ketýine sebep boldy. Bir kún buryn dron Zavııadaǵy sýdy tuzsyzdandyrý stansasyna da soqqy jasaǵan.
